Sones da pomes de èlber (Da: Maria Teresa Capaldi, Sergio Rossi, La ola e la segosta. Magnères da zacan, Collana a cura di Maria Teresa Capaldi, 1998)
Chestes se les fajea ti moments bie de la vita, canche doi se maridèa, da vèlch cedean, da carnascèr, da la sègra o da la festa granes. Se les magnèa da soules o apede n piat se supa.
Per 6 persones: 250 gr. de farina, 2 dl. de lat, 3 eves, sèl, 5 pomes de èlber, zucher, zimt/canela, ele
Scassà i eves te n ciadin co na pizèda de sèl, l lat e la farina tamejèda fin canche vegn na pastela no massa lujia che lascerede da na man a pussèr per doi ores.
Fietà endèna i pomes no massa sotii. Enjignà cà na fana che no taca con ite ele e canche l sarà fers, rostii la fietes de pom tonchèdes dant una a l’outa te la pastela.
Canche les sarà bela rosses, toleles fora te n piat e coriles col zucher, e, se ve sà bon, co la canela.